Jaa Zindagi Madinay Se Jhoonkay Hawaa K Laa

Jaa Zindagi Madinay Se Jhoonkay Hawaa K Laa,

Shayad 'HUZOOR' Hum Se Khafa Hean, Manaa K Laa.



Kuch Hum Bhi Apna Chehra-e-Baatin Sanwaar Lean,

Ja 'BU BAKAR' Se Aaina Ishq-o-Wafaa Ka Laa.



Duniya Bohat Hi Tang Musalman Pe Hogai,

'UMAR' K Zamanay Ka Naqsha Utha K Laa.



Mehroom Kar Diya Humean Jin Se Nigah Ne,

'USMAN' Se Wo Falsafa Sharm-o-Hayaa Ka Laa.



Maghrib Mae Maara Maara Na Phir Aey Gadaa-e-Ilm,

'ALI' Se Mang K Ye Khairaat Ilm Laa.



Baatil Se Dabb Rahi Hy Phir Ummat 'RASOOL' Ki,

Manzar 'HUSSAIN-iyaat' Se Kuch Karbala Ka Laa.





Shariqa Ahmed
Twitter: @shariqa_ahmed